என் முகவரிகள்

நேற்றின் முகவரிகள் இன்னும் என் டயரியில்
என் டயரிகள் வீட்டின் ரகசிய அரண்களுக்கு
இடம் மாறி உயிர் பிழைக்கும்

என் நேற்றின் முகவரிகள் என்னிடம்
இன்றும் உள்ளன

இன்னும் எனது தபால் கார்டுகளுக்கு
நலமரிய ஆவல் இந்த
முகவரிகளுக்குள் இந்த டயரிகளைப்
போலவே எங்கோ புதைந்திருக்கின்றன

நானும் இந்த வலைகளில் திரியும்
போதெல்லாம்
நினைப்பதுண்டு
என் வலைக்கவிதைகளை
கார்டுகளில்
எழுதி இந்த முகவரிகளுக்கு அனுப்புவதற்கு
ஏன் இந்த கூகுல் ஒரு வழி செய்யக்கூடாது

சுவர்களின் வழியே நுழைந்து
வலை பிடிக்கும் இந்த மீனவனுக்கு
என் டயரிகள் என்ன பிரமாதம்?

என் டயரிகளும் முகவரிகளும் இன்னும்
சுவாசத்தை தக்க வைத்துக் கொண்டிருக்கின்றன
வலையில் விழத்
தவித்தபடி